ಕೊರೊನ ಸೋಂಕು ತಗುಲಿದೆ ಎಂದು ಆಸ್ಪತ್ರೆಯಿಂದ ಪರಾರಿಯಾಗಲು ಯತ್ನಿಸಿದವನ್ನು ಯಮ ಬಿಡಲಿಲ್ಲ

ಹರಿಯಾಣದ ಕರ್ನಲ್​ ಎಂಬ ಪಟ್ಟಣದ ಸರ್ಕಾರಿ ಆಸ್ಪತ್ರೆಯಲ್ಲಿ ಕರೊನಾ ಸೋಂಕು ಪೀಡಿತರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಇಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ 55 ವರ್ಷದ ವ್ಯಕ್ತಿಯೊಬ್ಬ ಅಲ್ಲಿಂದ ಎಸ್ಕೇಪ್ ಆಗೋದಕ್ಕೆ ಪ್ರಯತ್ನಸಿದ್ದ. ಹೇಗೆ ಅಂತೀರಾ? ಆತ ಇದ್ದುದು 6ನೇ ಮಹಡಿಯಲ್ಲಿ. ಅಲ್ಲಿಂದ ಎಸ್ಕೇಪ್ ಆಗೋದಕ್ಕೆ ಅಲ್ಲಿದ್ದ ಬೆಡ್​ಶೀಟ್​ಗಳನ್ನು ಬಳಸಿದ್ದ. ಅವುಗಳನ್ನು ದಾರದಂತೆ ಬಳಸಿಕೊಂಡು ಕೆಳಕ್ಕಿಳಿದು ಓಡೋದಕ್ಕೆ ಪ್ರಯತ್ನಿಸಿದ್ದ.ಆದರೆ ಈ ಅಪಾಯಕಾರಿ ಸಾಹಸ ಕೈಗೂಡಲಿಲ್ಲ. ಮೇಲಿಂದ ನೆಲಕ್ಕೆ ಬಿದ್ದು ಗಂಭೀರ ಗಾಯಗೊಂಡ. ಅಷ್ಟೇ ಅಲ್ಲ, ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಡಿಸಿ ನಿಶಾಂತ್ ಕುಮಾರ್ ಯಾದವ್​, ರೋಗಿಯ ಹೆಸರು ಶಿವಶರಣ್. ಆತ ಪಾಣಿಪತ್​ನ ನಿವಾಸಿ. ಏಪ್ರಿಲ್ ಒಂದರಂದು ಆಸ್ಪತ್ರೆಯಿಂದ ಪರಾರಿಯಾಗಲು ಪ್ರಯತ್ನಿಸಿ ಬಿದ್ದು ಗಂಭೀರ ಗಾಯಗೊಂಡು ಮತ್ತೆ ಆಸ್ಪತ್ರೆಗೆ ದಾಖಲಾಗಿದ್ದ. ಶಂಕಿತ ಸೋಂಕು ಪೀಡಿತನಾದ್ದರಿಂದ ಹೆಚ್ಚಿನ ನಿಗಾ ವಹಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲನೀಡಲಿಲ್ಲ ಎಂದು ತಿಳಿಸಿದ್ದಾರೆ.